Kryesia “ndryshe” e PS, Rama: Vumë gur themeli

Tiranë, 2 dhjetor 2011, NOA – Ky fillim dhjetori ka sjellë zhvillime të reja brenda Partisë Socialiste. Që prej ditës së sotme, partia më e madhe në opozitë do të drejtohet nga struktura të rinovuara si kryesia dhe sekretariati.

Në listën e personave më të votuar nga anëtarë e Asamblesë kombëtare bien në sy prania e njerëzve që njihen tashmë si kritikë të kryesocialistit, si Ben Blushi, Andis Harasani apo Marko Bello, ndërsa nuk ka asnjë informacion për marrëdhënien e ardhshme të Kastriot Islamit me socialistët.

Kryetari Rama u shpreh i kënaqur nga votimi i sotëm, ku nuk arriti të çohej deri në fund numërimi i parë elektronik i votave në Shqipëri.

“Për fat të keq prova për model elektronik numërimi, nuk funksioni tërësisht e për të mos lënë shteg keqkuptimi iu kthyem atij manual. Makina e përdorur nuk është e teknologjisë së zgjedhjeve, por në provimet e universiteteve, kërkonte saktësi nga votuesi në vendosjen e shenjës brenda katrorit.

Por ne , konfirmuam se numërimi elektronik me mjetet e posaçme është zgjidhje për t’i dhënë fund zaptimit të votës nga segmente politike”, u tha Rama gazetarëve në mbrëmje.

Sipas tij, kryesia e re e PS, është mishërim i bindjes se, “ së bashku mund t’i kthejmë të gjitha energjite dhe axhendat në një energji të përbashkët”.

Jam i kënaqur që edhe ata që kanë spikatur si mendim ndryshe janë sot pjesë e kryesisë së re. Them se edhe për ta vota e sotme do të jetë një përgjegjësi e re.

Duhet t’i garantojmë shqiptarët se kemi program transformues por edhe jemi në gjendje ta jetësojmë atë.

Jemi ndryshe, sepse rivalitetet dhe diversitet i shohim si pasuri që kemi përgjegjësi ta administrojmë me suskes”, tha kryesocialisti.

Kryesia e re e PS-së

Pas 10 orësh votimi dhe numërimi janë përzgjedhur 17 emrat e e rinj të kryesisë.

Gramoz Ruçi

Mimi Kodheli

Ditmir Bushati

Erion Braçe

Ben Blushi

Arta dade

Shkëlqim Cani

Pandeli Majko