Moskë, 4 Dhjetor 2011 NOA - Një grua në një përpjekje për t'i ngjarë protagonistes së famshme të Roger Rabbit, Jessica, ka vendosur t'i nënshtrohet më shumë se 100 injeksioneve në buzë duke u bërë gruaja me buzët më të fryra në botë.
Kristina Rei, 22 vjeçe, estetiste thonjsh jeton në Shën Petërburg të Rusisë. Që kur filloi t'i nënshtrohet botoksit në moshën 17 vjeçare, ajo ka harxhuar më shumë se 6 mijë dollarë dhe fiksimi i saj nuk është zhdukur ende.
"Unë mendoj se dukem bukur dhe kjo më bën të lumtur. Ndonjëherë më fyejnë në rrugë, por për mua kjo nuk ka rëndësi. Dua të jem edhe më ekstreme. Dua të dukem si protagonistet e filmave të animuar", - thotë Kristina, raporton agjencia e lajmeve NOA.al.
Ajo thotë se fyerjet nuk e largojnë nga qëllimi i saj, i cili është për ti zmadhuar gjithnjë e më shumë buzët e saj. Së fundi Rei thotë se do të bëjë ndërhyrje kirurgjikale në gji dhe hundë, dhe pastaj te veshë.
Vetëm atëherë përfundimisht do të duket si protagonistet e filmave me kartona.
a.e/NOA
