Kozenca, 6 dhjetor 2011, NOA/ Arjola Ymeraj- Një shqiptar i shpallur në kërkim ndërkombëtar dhe i identifikuar si Shefqet Rinxhi, 53 vjeç u arrestua nga policia e Kozencës në Itali, sepse rezultonte i arratisur prej 14 vitesh.
Siç informon agjencia e lajmeve NOA.al. Rinxhi ka për të vuajtur një dënim prej 15 vitesh burg për vrasjen e një bashkëkombasi të tij në qytetin e Durrësit në vitin 1994.
Mësohet se burri u paraqit në Kuesturën e Kozencës për të kërkuar leje qëndrimi në shtetin fqinj, por policët e zyrës së emigracionit zbuluan identitetin e tij të vërtetë dhe e arrestuan.
Rinxhi kishte dalë nga burgu në kohën e trazirave, në mars të vitit 1997 dhe nga ajo kohë kishte emigruar drejt Italisë.
a.y/NOA
