Madrid, 7 nëntor NOA - Fjalët e Cavanit: “E ardhmja ime është në Spanjë”, duhet thënë se nuk kanë kaluar pa u vënë re në Madrid. Murinjo menjëherë ka replikuar ndaj këtij mesazhi të dërguar nga “Matador” dhe ka kryer lëvizjet e para në lidhje me një marrëveshje të mundshme. Faktikisht, disa vëzhgues të skuadrës së Realit të Madridit do të jenë të pranishëm në ndeshjen e Ligës së Kampionëve mes Napolit dhe Villarealit, në stadiumin Madrigal, për të vëzhguar sulmuesin në fjalë. Më tej drejtuesit e klubit do të bisedojnë për ofertën që do të çojnë në drejtim të presidentit të Napolit De Laurentiis: flitet për një shifër që kap vlerën e 50 milionë eurove. r.b/NOA
