Tiranë, 7 dhjetor 2011, NOA- Një operacion i policisë së kryeqytetit i koduar “Rikthimi II” bëri të mundur arrestimin e një 22 vjeçari i cili dyshohet të ketë shfrytëzuar si prostitutë një vajzë 17 vjeçare.
Burime zyrtare nga policia thanë për agjencinë e lajmeve NOA.al se Denis Dervishi ishte vënë nën objektivin e uniformave blu, duke u mbajtur nën mbikëqyrje të fshehtë për 6 muaj dhe në vijim të vëzhgimit rezultoi se 22 vjeçari ka shfrytëzuar për qëllime prostitucioni 17 vjeçaren me iniciale R.L, me banim në Tiranë.
Mësohet se krahas tij në polici u shoqërua edhe vajza, ndërsa të dy u pikasën në
rrugën “Gani Domi”, në lokalin e shfrytëzuesit, ndërsa në cilësinë e provës materiale u sekuestruan 30 copë fishekë model 56, një krehër model 56, tre telefona celularë dhe një motorr.
a.y/NOA
