Tiranë, 8 dhjetor 2011, NOA – Pas dy ditë kërkimesh pa sukses nga polumbarët, është gjetur rastësisht trupi i pajetë i 12-vjeçares që ra në lumë ura e drurit në Babrru, ku po luante me fëmijë të tjerë, raporton agjencia e lajmeve NOA.al.
Trupi i pajetë i vogëlushes, Emiljana Mekaj u gjet mëngjesin e të enjtes pranë urës së Institutit të Kamzës në kryeqytet.
Kufoma u pa nga një kalimtar i rastit, i cili lajmëroi edhe forcat e policisë.
Trupi i vogëlushes është transportuar tashmë në morgun e Tiranës ku do të analizohet nga ekspertët.
Gjetja e 12-vjeçares u bë tejet e vështirë bëjnë me dije burime nga policia e Tiranës, për shkak të reshjeve të shiut, që sollën edhe vërshimin e prurjeve në lumin e Tiranës, dhe larguan edhe 12-vjeçaren.
mit/NOA
