Fier, 8 dhjetor 2011, NOA- Një aksident i rëndë ka ndodhur në aksin rrugor Patos- Fier, ku një person ka humbur jetën.
Siç njofton agjencia e lajmeve NOA.al, mbrëmjen e djeshme në vendin e quajtur Transport, ka humbur jetën duke kaluar rrugën 59 vjeçari Bashkim Ruka, banues në Patos.
Burime zyrtare nga policia bëjnë me dije se Ruka ka qenë duke kaluar rrugën kur është përplasur nga një automjet i paidentifikuar.
Sakaq autori i këtij aksidenti nuk ka ndaluar ti japë ndihmën e shpejtë viktimës por e ka evituar atë dhe sipas dëshmitarëve ka nxituar të largohet.
a.y/NOA
