Zvicër, 10 Dhjetor 2011 NOA/ Rid Bulku – Ka dalë në shitje një prej makinave që mund të quhet më e shtrenjta në botë. Kushdo që dëshiron ta blejë duhet të llogarisë të pakën 7 milionë paund, duke mos përfshirë taksat.
Bëhet fjalë për një makinë prototip, me një motor nga më të rinjtë e markës Mercedes Benz, raporton agjencia e lajmeve NOA.al.
Por ajo që e bënë më të veçantë këtë makinë është fakti se kroskoti, dhe një pjesë e jashtme e saj është e veshur me flori. Po ashtu dhe shtresat e bojës kanë përzierje ari.
Makina është e miliarderit zviceran Ueli Anliker.
Për shkak të ndërhyrjeve që ka bërë në makinë, ai ka menduar t’i ndryshojë dhe emrin. Mercedezi quhet “Anliker McLaren SLR 999 Red Gold Dream”.
Në pjesë metalike të boshtit të gomave është përdorur flori prej 24 karatësh.
Meteriale luksi dhe bizhu janë përdorur dhe brenda makinës.
Pronari që e ka nxjerrë në shitje thotë se veshja me ar i ka kushtuar 3.3 milionë paund. Ndërsa çdo detaj i saj është porositur tek specialistët e kompanisë së “Mercedes” për të mos pasur asgjë të ngjashme me makinat e tjera.
r.b/NOA
