Tiranë, 10 dhjetor 2011, NOA- Në prag të festave të fundvitit kryebashkiaku Lulzim Basha mesditën e sotme po zhvillon një takim me biznesin lidhur me çmimet e produkteve.
Siç raporton agjencia e lajmeve NOA.al, në fjalën e mbajtur me përfaqësuesit e biznesve Basha u shpreh se, “Agjencia për mbrojtjen e konsumatorit do të veprojë si task-force për të kontrolluar rritjen e çmimit. Pasi me rastin e festave nuk duhet të rriten çmimet e produkteve të festave dhe për të paradaluar rritjen e tyre bashkia ka marrë masa”.
Kjo masë e Bashkisë së Tiranës duket se vjen pas historikut të viteve të shkuara ku produktet bazë të konsumit dhe ato që blihen nga konsumatorët për festat fundvitit kapin çmime rekord.
a.y/NOA
