Kabul, 10 dhjetor 2011, NOA- Presidenti i Afganistanit Hamid Karzai nuk ka synim që të qëndrojë në detyrë përtej 2014-ës, kohë kur mbaron edhe mandati i tij presidencial.
Zëdhënësi i tij, Aimal Faizi ka përgënjeshtruar në këtë formë deklarimet e shërbimeve të inteligjencës gjermane, sipas të cilës Karzai do ndryshojë Kushtetutën afgane në mënyrë që të paraqesë sërish kandidaturën e tij në zgjedhjet e ardhshme.
“Karzai nuk ka ndërmend që të rrijë në pushtet në përfundim të mandatit të dytë të tij. E ka shprehur qartë që nuk dëshiron të rikandidojë dhe nuk do e bëjë”, u shpreh Aimal Faizi.
a.y/NOA
