Hawai, 10 Dhjetor 2011 NOA/ Rid Bulku – – Stresi është ngjitës, njësoj si sëmundja e gripit që përhapet tek të gjithë. Në një përfundim të tillë ka arritur një studim i kryer nga Universiteti i Hauait, sipas të cilit, ai nuk është një sëmundje e mirëfilltë, por përhapet njësoj si të ishte ngjitës.
Sipas tij, stresi përhapet direkt nga trupi në trup dhe nga mendja në mendje, njësoj si e ftohura e përbashkët. Studimi i kryer nga psikologët Elaine Hatfield, John T. Cacioppo dhe Richard L. Rapson, tregon se stresi sillet si një sëmundje emocionale tipike.
Te meshkujt, efekti i tij është më pak i dukshëm, ndoshta sepse gratë kanë më shumë gjasa të jenë në një mendje me vuajtjet e të tjerëve, raporton agjencia e lajmeve NOA.al.
Problemi është se këto emocione negative, arrijnë që ta bëjnë personin “e infektuar" t’i pranojë ato si të ishin të tij.
Disa muaj më parë, një tjetër studim i publikuar në Akademinë e Finlandës, ka zbuluar se për të paguar çmimin e stresit dhe tensionit nervor, janë fëmijët tek të cilët, prindërit kanë një ndikim negativ.
Hulumtuesit intervistuan më shumë se 500 fëmijë dhe familjet e tyre dhe përgjigjet kanë treguar se prindërit të cilët jetonin një siklet fizik dhe emocional, janë më të prirur për t’i "infektuar" e fëmijët, sidomos nëse janë të të njëjtit seks. r.b/NOA
