Tiranë, 12 dhjetor 2011, NOA – Masat e marra nga policia për parandalimin e dhunës në familje duhet të shoqërohen me masa më të rrepta penale. Kjo është deklarata që ka bërë sot ministri i Brendshëm Bujar Nishani, gjatë një konferencë në Akademinë e Policisë. Sipas tij, masa më të ashpra penale do të rrisin përgjegjësinë për çdo qytetar si dhe do të ndihmojë autoritetet.
“Ende jemi në kohë që të adresojmë me forcë dhe pa neglizhuar dhunën në familje. Edhe me kontributin e shoqërisë civile dhe media duhet të trajtohet si një çështje e cila është një element i rëndësishëm i prezantimit të mentalitetit të një shoqërie” ka theksuar Nishani.
Nga ana tjetër, ai ka bërë thirrje për më shumë profesionalizëm dhe arritjeve të standardeve evropiane nga ana e policisë së shtetit.
a.k/NOA
