Prishtinë, 12 Dhjetor 2011, NOA/ Rid Bulku – Kontrolli policor ishte diçka e padëshiruar për një qytetar në Prishtinë. Ai është irrituar kaq shumë sa nuk ka ngurruar edhe të përplasë me makinë forcat policore vetëm e vetëm sepse i kërkuan t’i nënshtrohet kontrollit rutinë të dokumentacionit të mjetit të tij.
Korrespondenti i agjencisë së lajmeve NOA.al raporton se ngjarja ka ndodhur në orën 14.20 në rrugën “Ilir Konushevci” në Prishtinë.
Zyrtarisht policia lokale tha se gjatë një kontrolli policor, i dyshuari emri i të cilit nuk u bë i ditur, nuk i ka përfillur urdhrat e policëve por me veturën e tij duke tentuar që të ikë i ka goditur.
“Viktimat kanë pësuar lëndime të lehta trupore. Ata kërkuan përforcime dhe këta erdhën pa vonesë duke lokalizuar dhe ndalur makinën e dyshuar kurse të plagosurit u dërguan në QKUK të Prishtinës për ndërhyrje mjekësore.
Policia konfirmoi se gjatë kontrollimit të veturës iu është gjetur dhe konfiskuar një shufër metalike – levë, të cilën i dyshuari e mbante me vete. Agresori, pas intervistës me vendim të prokurorit dërgohet në mbajtje.
a.b/r.b/NOA
