Korçë, 12 dhjetor, 2011, NOA – Një ngjarje e paprecedentë ka ndodhur në qytetin e Korçës. Dy persona kanë rrëmbyer një vajzë 11-vjeçare me synimin për ta martuar me një të afërmin e tyre 15-vjeç. Ngjarja absurde ka për autor Dritan Ajredini, 25 vjeç dhe gruan e tij Entela Ajredini, 23 vjeçe, raporton korrespodenti i Agjencisë NOA. Mësohet se çifiti ka rrëmbyer vajzën me inicialet E.T duke pasur si qëllim martesën e saj me nipin e tyre 15-vjeçar me inicialet G. A.
Kanë qenë fillimisht familjarët e vajzës ata që të alarmuar kanë bërë në polici denoncimin për zhdukjen e vajzës. Menjëherë kanë nisur hetimet dhe kërkimi nga policia. Të dhënat e para i kanë çuar forcat e rendit tek çifti që kishte marrë përsipër gjetjen e një nuses për nipin. Pas kthimit të vajzës në shtëpi ndaj çiftit Ajredini ka nisur procedimi në gjendje të lirë. Ata akuzohen për “heqjen e paligjshme të lirisë”.
a.k/NOA
