Japoni, 12 dhjetor NOA - Panasonic ka thyer akullin dhe përgatitet për tu prezantuar me smartphon-in e parë top class për Evropën. Bëhet fjalë për modelin e parë të një serie të gjatë të këtij lloji. Ky smartphone do të ketë një ekran 4.3 polësh me rezolucion shumë të lartë qHD dhe do ti dedikohet vetëm kontinentit të Evropës Nuk është ende i qartë emri i tij dhe as karakteristikat teknike, përveç ekranit që me shumë mundësi do të jetë siç u përshkrua më lart. Me sa bëhet e ditur do të jetë i pranishëm sistemi operativ Android 4 Ice Cream Sandwich edhe pse mund të gjejë hapësirë dhe Android Gingerbread. Shpresa e kompanisë japoneze është ajo që të arrijë shitjet në një kuotë prej 1.5 milionë kopjesh të tilla. r.b/NOA
