Përmet, 13 dhjetor 2011, NOA- (Update) Aksidenti i rëndë i cili tronditi mbrëmjen e sotme skajin jugor të Shqipërisë, është rënduar më tej.
Siç informon agjencia e lajmeve NOA.al, krahas oficerit Petrit Lata, ka ndërruar jetë në duart e bluzave të bardha edhe Shefi i Policisë Përmet, Nuri Kërçani.
Shkak për këtë bilanc tragjik ka qenë dalja nga rruga e mjetit tip benz me targa DR 6279 B në të cilën udhëtonin dy punonjësit e policisë si rrjedhojë e shiut të dendur.
Mësohet se makina pasi ka dalë nga rruga është përplasur në bordurën e Urës së Veroniqit, çka ka bërë që aksidenti për dy efektivët e policisë të rezultojë fatal.
a.y/NOA
