Las Vegas, 14 Dhjetor 2011, NOA/ Rid Bulku - Duhet të ishte një mesazh privat, në drejtim të Justin Bieber, por Charlie Sheen aksidentalisht ka publikuar në Twitter numrin e tij të telefonit celular dhe si rrjedhojë është detyruar menjëherë të merrte masa. Ndaj po jua tregojmë që në fillim fansave të artistit: Ai e ndryshoi vetëm pak orë më pas numrin e telefonit celular personal.
Kjo masë erdhi pasi në harkun e pak minutave, aktori ka marrë telefonata të shumta.
Sipas asaj çka bëhet e ditur nga “The Sun”, Charlie një fakt të tillë e ka marrë me ironi, ku disa telefonatave i është përgjigjur: “Po unë jam, ke fituar”.
Telefonatat e para kanë mbërritur në momentin që ai po drekonte në një restorant në Las Vegas, raporton agjencia e lajmeve NOA.al.
Një dëshmitar, që ka asistuar në skenë, ka rrëfyer se telefoni i aktorit filloi të binte pa pushim dhe në vetëm pak minuta i kanë ardhur plot 1 mijë e 800 mesazhe.
Charlie, si gjithmonë ne sensin e tij të humorit i është përgjigjur telefonit me shprehje të tipit ‘Ray’s pizza’ apo ‘po, ju keni fituar’.
r.b/NOA
