Munih, 14 Dhjetor 2011, NOA/ Rid Bulku - Ivica Olic thërret Lazion dhe këtë gjë e kryen nëpërmjet Tuttosport.
Sulmuesi i Bajernit të Munihut ka deklaruar: “Kam si qëllim të largohem nga Bajerni në merkaton e janarit të ardhshëm. Unë nuk jam më pjesë e planeve të Heynckens dhe diçka e tillë mund të ndikojë në pjesëmarrjen time në Kampionatin Evropian", - citon agjencia e lajmeve NOA.al.
"Jam i nderuar, - vijoi ai, - që një skuadër si Lazio ka shfaqur interes në drejtimin tim. Shpresoj që ky interes të përfundojë me sukses sa më shpejt duke konkluduar në një marrëveshje të mundshme”.
Për sa i përket argumentit Klose, Olic ka pohuar se është shumë i lumtur nga fakti se ata mund të gjenden sërish në të njëjtin ekip, pasi kujtojmë se këtë sezon sulmuesi gjerman ka kaluar në radhët e ekipit të Lacios.
r.b/NOA
