Itali, 14 Dhjetor 2011, NOA/ Rid Bulku - Vetura ishte mëse e ngjashme me një Ferrari: karroceria, rrotat, vetë makina brenda, e madje deri në detajet më të vogla të mundshme.
Megjithatë kjo Ferrari e kuqe flakë që ju shihni në foto, nuk rezultonte të ishte e vërtetë pasi bëhej fjalë për një Pontiac modeli “Fiero Ruha”.
Pronari i saj, një person nga provinca italiane Ravanusa, është denoncuar nga policia financiare për shkelje të rregullave dhe konkurrencës, raporton agjencia e lajmeve NOA.al.
Autovetura është sekuestruar menjëherë. Personi që dispononte makinën duke shëtitur nëpër këtë veturë jashtë serie, të ngjashme në çdo detaj me një Ferrari, kishte tërhequr vëmendjen e hetuesve, të cilët menjëherë verifikuan regjistrimin e saj që rezultoi i rremë.
Aktualisht po hetohet mbi karrocerinë që është modifikuar në këtë veturë, kush dhe pse e ka bërë, kurse vetë kompania e Ferrarit ka deklaruar se kemi të bëjmë me manipulim të imazhit të produktit të saj unik.
r.b/NOA
