Londër, 14 Dhjetor 2011, NOA/ Rid Bulku - Janë zbuluar kafshët e fshehura mes dritës dhe hijes së Mona Lizës, pikturës më të famshme dhe më të diskutuar të Leonardos.
Është një mister i Da Vinçit apo thjesht diçka artistike? Sipas studiuesit dhe dizajnerit anglez, Ron Piçirillo, piktori italian i periudhës së rilindjes nuk i ka lënë asgjë rastësisë dhe sipas tij pas shpatullave të Mona Lizës ai ka lënë qëllimisht, forma të kokës së luanit, ndërsa në krahun tjetër atë të një bualli.
Dhe jo vetëm, pasi në pjesën e majtë të poshtme të figurës mund të vihet re dhe një krokodil ose një gjarpër, sikurse raporton agjencia e lajmeve NOA.al.
Janë disa shenja të cilat vazhdojnë gjithnjë e më shumë të shtojnë misterin e kësaj pikture shumë të diskutuar.
Si erdhi zbulimi
Bëhet fjalë për atë që pretendon artisti Ron Piccirillo nga Nju Jorku, sipas të cilit, po ta shohësh me kujdes pikturën e saj horizontalisht, mund të zbulosh brenda saj kafshë të fshehura.
Sikundër ju dalloni në këto foto të pikturës ku janë ndriçuar pjesët e zbuluara, aty gjendet një sërë kafshësh të fshehura brenda pikturës, raporton agjencia e lajmeve NOA.al.
Artisti amator Ron Piccirillo, thotë se në pikturë mund të dallohet edhe koka e një luani, e gjithashtu një majmun dhe një buall.
Ata qëndrojnë në ajër, rreth e rrotull Mona Lizës, së bashku me një krokodil apo gjarpër i cili shfaqet në anën e majtë të trupit të Mona Lizës e njohur edhe si Xhokonda.
“Rreth kokës së Mona Lizës, mund të shihet një buall ose luan, apo edhe bletë që lëvizin; ndërsa afër shpatullës, i gjendet një krijesë që mund të merret si gjarpër ose krokodil në të njëjtën kohë”, - pohon Ron Piccirillo.
Piktori i cili ka si mjeshtëri punimet në vaj dhe në grafikë, e ka selinë e tij në Nju Jork, Shtetet e Bashkuara të Amerikës, raporton agjencia e lajmeve NOA.al.
Ai thotë se ka ndjekur një sërë udhëzimesh që përftohen nga Leonardo Da Vinçi për të dekriptuar imazhin që u realizua në vitin 1519.
Piccirillo pohoi se zbulimi i tij ka qenë aksidental dhe se ai ka qenë vetëm në gjendje të vija shumë copa puzzle së bashku, duke bërë kështu të gjeja përgjigjet e duhura.
“Që të gjitha zbulimet erdhën nga shkrimet e Leonardos", pohoi ai. Në mënyrë të veçantë, Piccirillo thekson se ai beson te referencat për luanin dhe gjarprin prapa në pikturë, i cili sipas tij, e kthen Mona Lizën e famshme në një grua me buzëqeshjen e trishtuar.
Piccirillo tha më pas se ai beson që Mona Liza nuk ishte një person i vërtetë, por përkundrazi, simbolikë e tipareve të një njeriu.
Ai thotë se zbulimi i tij do të jetë i rëndësishëm për këtë pikturë të famshme që e ka lënë të habitur për shekuj të tërë komunitetin në botë.
r.b/NOA
