Tiranë, 15 dhjetor 2011, NOA – Ka nisur disa minuta më parë seanca e Kuvendit. Deputetët do të zgjedhin Kryetarin e ri të Kontrollit të Lartë të Shtetit, si dhe do të votohen një sërë ligjesh. Seanca ka nisur me debatin mbi ligjin për shitjen e aksioneve të kompanisë shtetërore “Albtelekom” në masën 100 për qind. Ministri i Ekonomisë, Nasip Naço tha në fjalën e tij se ligjin synon një shfrytëzim më të mirë të gjithë pasurive të kësaj kompanie.
Ai u shpreh se ndërmarrja me 4 mijë punëtorë do të jetë më efektive në punë. Veç ligjit për shitjen e Albtelekom, në Kuvend ka dhe një sërë ligjesh të rëndësishme.
Në rend dite është edhe projektligji “Për tregtimin dhe mbikëqyrjen e tregut të produkteve joushqimore” dhe një shtesë në ligjin “Për miratimin e niveleve të tarifës doganore”, si dhe disa ndryshime në ligjin “Për noterinë”, si dhe disa shtesa në ligjin “Për arsimin e lartë.
Në fund të seancës është planifikuar edhe një interpelancë me Ministrin e Jashtëm, Edmond Haxhinasto, e kërkuar nga deputetja e PS-së, Arta Dade.
a.k/NOA
