Vlorë, 20 dhjetor 2011, NOA – Një person është ndaluar në qytetin e Vlorës, pasi ka tentuar të shtypë me makinë një vajzë. Ngjarja ka ndihur në lagjen “Pavarësia” në datën 16 dhjetor, por vetëm dje janë marrë masat ndaj autorit, Ilia Petraq Papagjoni, 27 vjeç 27,banues në Lagj. “1 Maji”në Vlorë.
Pasi ka debatuar me një vajzë, Papagjoni ka hipur në makinë dhe e ka goditur atë. Vajza është përplasur në tokë, por fatmirësisht goditja nuk ka qenë fatale.
Pas dhënies së ndihmës së parë ajo është jashtë rrezikut për jetën. Policia ka nisur hetimet për ngjarjen dhe materialet i kanë kaluar prokurorisë. Ndërsa dje është marrë vendimi për hetim në gjendje të lirë. Papagjoni akuzohet për veprën penale dëmtime të shkaktuara me dashje.
a.k/NOA
