Vlorë, 20 dhjetor 2011, NOA- Një 38 vjeçar nga fshati Poro në Vlorë, është dërguar ditën e sotme në gjendje të rëndë shëndetësore në ambientet e spitalit.
Burime zyrtare nga policia thanë për agjencinë e lajmeve NOA.al se, Agron Prifti u dërgua në spital pas disa plagëve të shkaktuara nga armë zjarri në pjesën e gjoksit.
Nga veprimet e mëtejshme hetimore rezultoi se në mëngjesin e sotëm Prifti ka qenë në dhomën e gjumit të banesës së vet, ku dhe ka qëlluar mbi veten e tij me një armë zjarri, e cila rezulton me leje në emër babait të viktimës.
Gjithsesi me gjithë ndërhyrjen e familjarëve të cilët e kanë transportuar me urgjencë për në spital, si pasojë e plagës së marrë 38 vjeçari ndërroi jetë në sallën e operacionit rreth mesditës së sotme. Në cilësinë e provës materiale është gjetur dhe sekuestruar një armë gjahu teke si dhe një copë letër me mbishkrime të cilat dyshohet që ti ketë lëne viktima.
Nga ana e uniformave blu po vijojnë hetimet për zbardhjen e plotë të arsyeve që çuan në vetëflijimin e 38 vjeçarit.
a.y/NOA
