Tiranë, 21 dhjetor 2011, NOA- Ditën e sotme kryetari i Aleancës Demokristiane Zef Bushati u takua me kryetarin e Partisë Lëvizja Demokristiane Nikollë Lesi.
Siç raporton agjencia e lajmeve NOA.al, biseda midis dy kryetarëve Demokristian u zhvillua në një frymë bashkëpunimi për të gjetur sa më shpejt edhe më mirë modalitetet për unifikimin dhe bashkimin e të gjithë demokristianëve në një subjekt të vetëm.
Në këtë takim Bushati theksoi se është i rëndësishëm bashkimi pavarësisht se cili do drejtojë demokristianët.
Nga ana e tij Lesi vlerësoi bashkimin e të gjithë demokristianeve në një subjekt politik të përbashkët.
Sipas tij dy partitë e kanë shumë të lehtë përafrimin për shkak të spektrit politik të përbashkët.
Në përfundim u konkludua që të vijojnë takimet për bashkimin real të demoksristianëve.
a.y/NOA
