Los Anxhelos, 22 Dhjetor 2011, NOA -, Statuja e oskarit e fituar nga Orson Welles në 1942 me filmin “Fuqia e Katërt” është shitur në ankand në Los Anxhelos për më shumë se 861 mijë dollarë.
Çmimi për skenografinë më të mirë origjinale ka tërhequr oferta nga e gjithë bota, raporton agjencia e lajmeve NOA.al, kjo bazuar në deklaratat e dhëna nga shtëpia e ofertave Nate D. Sanders, më saktësisht nga Sam Heller, i cili ka bërë të ditur se mes njerëzve të shumtë ishte dhe David Copperfield.
Për më shumë se 50 vite mendohej se oskari i Welles mund të kishte humbur, por më pas ai u shfaq sërish në 1994, kur kinooperatori Gary Graver tentoi ta shiste.
Shitja e tij u ndalua në momentin e fundit nga Beatrice Welles, e bija e regjisorit dhe trashëgimtarja e vetme.
Copperfield është mundur nga një person jo i identifikuar që bëri një ofertë më të lartë se ai.
Iluzionisti, i intervistuar pas ankandit, ka deklaruar se admironte Welles jo vetëm për sukseset e arritura në kinema, por pasi dhe ai ishte një magjistar.
r.b/NOA
