Kakavijë (Gjirokastër), 24 dhjetor 2011- Afrimi i festave të fundvitit ka shtuar dhe fluksin e emigrantëve në pikën doganore të Kakavijës. Raportohet se mëngjesin e sotëm ka një numër të konsiderueshëm emigrantësh që po vijnë drejt Shqipërisë.
Flitet për rreth 5 mijë persona që kanë kaluar vetëm gjatë natës dhe mëngjesit të sotëm. Ndërkohë që për të mos krijuar probleme të dyja doganat që ndodhen në këtë pikë janë duke punuar me kapacitet të plotë. Pritet që gjatë ditëve në vijim të ketë edhe një ardhje më të madhe të emigrantëve që punojnë dhe jetojnë në Greqi.
a.k/NOA
