Los Angeles SHBA, 25 Dhjetor 2011 NOA/ Rid Bulku – Prag tragjedie për aktoren e famshme Brigitte Nielsen, ish-gruaja e Silvester Stalone, pasi një person i dehur e shtypi me makinë në rrugët e Los Angeles në Shtetet e Bashkuara të Amerikës.
Ngjarja ndodhi mbrëmë në prag Krishtlindjesh, raporton agjencia e lajmeve NOA.al. Brigitte Nielsen, ishte duke udhëtuar rreth orës 22:30 me automjetin e saj, një Porsche Cayenne kur e përplasi një makinë Toyota Matrix e cila drejtohej nga një tjetër grua e cila nga hetimi i kryer pas aksidentit, rezultoi se ishte tërësisht në gjendje të dehur.
Pak pas përplasjes, Brigitte u dërgua me urgjencë në spitalin më të afërt. Një zëdhënës i aktores komunikoi për mediat se ajo është plagosur në gjendje serioze por nuk paraqet rrezik për jetën.
Ikona e filmave të viteve ’80, ka shpëtuar kështu dhe besohet se faktor i rëndësishëm ishte cilësia e makinës që posedonte.
r.b/NOA
