Indonezi, 26 Dhjetor 2011, NOA - Një elefant i tërbuar dhe i uritur ka shkelur për vdekje një banor të Indonezisë në ishullin e Sumatra.
Personi në fjalë së bashku me dy banorë të tjerë po kërkonin të largonin një tufë elefantësh të egër nga fushat e tyre.
Pikërisht në këtë moment një prej elefantëve, është nervozuar duke iu kthyer banorëve dhe duke i detyruar ata të largoheshin.
Megjithatë Muhammad Amin, 60 vjeç, gjatë vrapimit është shkelur nga kafsha gjigante për vdekje pasi u pengua.
Pas vdekjes së të ndjerit, banorët e fshatit pranë kanë kërcënuar se do t'i vrasin elefantët në rast se autoritetet nuk arrijnë të mbrojnë zonat e tyre.
Janë 3 mijë elefantë në Sumatra që mendohet se janë ende të lirë dhe janë gjithnjë e më pak pasi terreni përdoret për rritjen komerciale të kafshëve të tjera, ndërsa pyjet përdoren për të shdrytëzuar prerjen e drurit.
Në këtë mënyrë elefantët janë gjithnjë e më shumë të prirur të drejtohen në zonat e banuara për të kërkuar ushqim, raporton agjencia e lajmeve NOA.al.
r.b/NOA
