Ankona, 27 dhjetor 2011, NOA- Policia e Ankonas në Itali vuri në pranga 35 vjeçarin shqiptar Eduart Nexhipi i arratisur prej 8 vitesh, ndërsa e priste dënimi me 16 vite burg.
Siç informon agjencia e lajmeve NOA.al, Nexhipi më 29 mars të vitit 2003 në brendësi të një lokali në Porto San Giorgio, në bisedë e sipër me një bashkëkombas të tij, shkoi në shtëpi për të marrë një thikë dhe pasi kishte pritur që burri të dilte në rrugë, e sulmoi duke e goditur në mënyrë të përsëritur me thikë.
Mësohet se i arrestuari e goditi viktimën Ëngjëll Kalluci asokohe djalë i ri e plot jetë, në shpatull dhe shtyllën kurrizore duke e lënë të paralizuar për gjithë pjesën tjetër të jetës.
Pas kësaj autori i krimit u arratis dhe arriti të fshihej në Shqipëri për vite me radhë ku gjatë qëndrimit ndryshoi edhe identitetin deri në momentin që u kap nga policia italiane në qytetin e Ankonas, për të shlyer tashmë pas hekurave fajin e tij.
a.y/NOA
