Nju Jork, 29 Dhjetor 2011, NOA - George Michael është mirë dhe është kthyer në shtëpi.
Megjithatë për të gjithë ata persona që kishin dyshime mbi seriozitetin e deklaratave për shëndetin e tij pa rrezik jete, ka qenë vetë këngëtari,që ka folur për herë të parë.
“Për disa kohë kam qenë mes jetës dhe vdekjes – pohoi ai në një konferencë për shtyp jashtë shtëpisë së tij, në oborrin përpara sic edhe shikoni në foto. "Ka qenë periudha më e errët e jetës sime dhe ndihem me fat që jam këtu. Tani jam ende tepër i dobët por ndihem i lumtur që nuk jam më mes jetës dhe vdekjes”.
Turneu që po zhvillonte këngëtari nëpër botë po korrte një sukses të vërtetë, por më pas ai u ndërpre nga sëmundja. Megjithatë duhet theksuar se ky ishte i fundit nga problemet që mund të kishte artisti i famshëm.
George Michael faktikisht nuk rrezikoi vetëm të mos këndonte më, por rrezikoi jetën në atë dhomë të spitalit të Vjenës.
“Kanë kaluar 3 javë nga tentativa që më mbajti të gjallë – rrëfen ai – jam me shumë fat që ndodhem këtu. Me sa duket dikush mendon se kam ende punë për të kryer këtu në këtë botë...”.
r.b/NOA
