Australi, 29 Dhjetor 2011, NOA - Një krokodil i quajtur Elvis, me një dobësi për aparaturat elektro-shtëpiake, ka sulmuar një punonjës të Australian Reptile Park në Sydney, kjo para se t'i merrte korrësen e barit.
Menaxheri i parkut, Tim Faulkner, ka pohuar se ai dhe dy punonjës të tjerë po kositnin barin përreth lagunës në të cilën jeton Elvis në momentin që zvarraniku, i gjatë 5 metër, është hedhur në drejtim të njërit prej tyre, Billy Collett.
Punëtori përkujdesës arriti ta largonte krokodilin por Elvis, aspak i trembur, arriti në krahun tjetër të merrte korrësen e barit të cilën e tërhoqi brenda në ujë.
Më pas punonjësit vendosën të veprojnë për të marrë pajisjen e tyre të punës.
Në këtë mënyrë, Collett ka shpërqendruar Elvisin, që peshon 500 kilogramë, duke e ndjellur atë me një copë mishi, ndërsa Faulkner është futur brenda për të marrë korrësen e barit dhe ia ka dalë pa u lënduar.
r.b/NOA
