Elbasan, 30 dhjetor 2011, NOA - Një 17-vjeçar është plagosur me thikë gjatë orëve të vona të natës në Elbasan. Ngjarja ka ndodhur në lagjen "5 Maji" të Elbasanit, në një qendër interneti. Adoleshenti 17-vjeçar me inicilat F.C është qëlluar me thikë disa herë nga 20-vjeçari Xhentil Kuka.
Menjëherë ai është dërguar në spitalin rajonal të Elbasanit dhe sipas mjekëve gjendja e tij shëndetësore është e rëndë.
Dyshohet se ngjarja ka ndodhur për motive banale por policia ka nisur hetimet për zbardhjen e plotë të ngjarjes dhe vijon kërkimet për kapjen e autorit.
a.k/NOA
