Komisioni i Ekonomisë dhe Financave ka miratuar më në fund edhe ligjin që ka të bëjë me ndryshimet në ligjin e sigurimeve shoqërore, me qëllim uljen e numrit të punonjësve që punojnë në të zezë.
Lidhur me këtë të gjithë punëdhënësit do të deklarojnë on-line edhe list-pagesën e punonjësve të tyre.
Drejtoresha në ministrinë e financave znj. Arjana Dyrmishi deklaron se për herë të parë krijohet një arkivë elektronike për sigurimet shoqërore.
Deklarimi elektronik minimizon informalitetin në këtë fushë. Ky projekt ka si qëllim rregullimin dhe bashkërendimin e bazës ligjore për deklarimin elektronik të të dhënave të listë-pagesës nga ana e tatimpaguesve.
