Në një intervistë për CBS, shefi i Pentagonit Leon Panetta ka bërë të ditur se Shtetet e Bashkuara po ndjekin nga pas rrjetin ndërkombëtar të terrorizmit kudo që ndodhet.
" Al Kaeda ende nuk është mposhtur. Ajo përbën ende një kërcënim real,ju e dini, padyshim që ne jemi duke shkuar pas Al Kaedas kudo që të shkojë, ajo vazhdon të jetë atje jashtë dhe ne duhet të vazhdojmë ta mbajmë nën presion” ka theksuar Panetta.
Pas vrasjes së liderit të Al Kaedas Osama bin Laden, mendohet se në krye qëndron mjeku egjiptian Ayman al Zawahri, krahu i djathtë i Bin Laden, dhe truri operacional i sulmeve të 11 shtatorit.
