Në udhëkryq ka përfunduar takimi prej mëse pesë orësh i kryeministrit Lukas Papadhimos me krerët e tre partive të koalicionit qeveritar Papandreu, Samaras dhe Karatzaferis, për të pranuar Athina kushtet e Troikës në mënyrë që të marrë paketën e shpëtimit dhe t’i shmanget falimentimit.
“Na kërkojnë më shumë recension se sa duron Greqia”, ka deklaruar Samaras në përfundim të takimit, ndërsa udhëheqësi i ultranacionalistëve Karatzaferis ka thënë se “nuk do kontribuoj në shpërthimin e revolucionit nga mjerimi që do të përvëlojë më pas Europën”.
