Dëbora bllokon rrugët, por dhe ngricat që pasojnë më pas janë dyfish të rrezikshme përsa i përket dhe aksidenteve tepër të mundshme.
Sot në mesditë këto ngrica që shkaktojnë dhe avari në drejtimin e makinës kanë sjellë dhe përplasjen në një aksident të dy makinave ku njëra ishte me targa diplomatike dhe i përkiste ambasadorit hollandez në Tiranë Henk van den Dool dhe tjetra deputeti socialist Qemal Minxhozi.
Brenda me ambasadorin hollandez ndodhej dhe ambasadori slloven, Bojan Bertoncelj.
Ngjarja ndodhi në Fushë-Bulqizë dhe bëhet e ditur se makina diplomatike ka pësuar më shumë dëme dhe për këtë deputeti minxhozi i ka shoqëruar me makinën e tij për në Tiranë.
Nuk ka dëmtime në njerëz.
