Ministri i Mbrojtës, z. Arben Imami, ka dekoruar sot me medaljen “Për pjesëmarrje në Shërbime Ndërkombëtare”, (pas vdekjes), kapiten Feti Bedri Vogli, me motivacion: “Dalluar për trimëri, heroizëm dhe përgjegjësi maksimale deri në dhënien e jetës në kryerjen e detyrave luftarake në kuadër të misionit ushtarak ISAF të NATO-s në Afganistan, në përmbushje të detyrimeve të Republikës së Shqipërisë”.
Gjithashtu, shefi i Shtabit të Përgjithshëm i FA, gjeneralmajor Xhemal Gjunkshi ka dekoruar me medaljen “Për pjesëmarrje në Shërbime Ndërkombëtare”, (pas vdekjes), kapiten Feti Bedri Vogli, me motivacion: “Për shërbime të veçanta, trimëri, vendosmëri dhe vetëmohim në realizimin e detyrave me ndjenjë të lartë përgjegjësie në kuadër të misionit ushtarak ISAF të NATO në Afganistan në përmbushje të angazhimeve të Forcave të Armatosura të Republikës së Shqipërisë”.
