Është përuruar sot investimi më i ri i për përmirësimin e klimës për biznesin në Tiranë.
Lulzim Basha ka përuruar sot qendrën “One Stop Shop” ku gjatë inagurimit ai ka theksuar:
“Qeverisja e mirë nxit investimet, i bën më të sigurta dhe ofron klimën e favorshme. Me qeverisjen qëndrore jemi angazhuar për të ulur barrierat fiskale, eliminuam mbi 60 tarifa, sot përurojmë për këtë qëllim shërbimin më të fundit me një ndalesë në Tiranë, qendrën e licencimit në Tiranë.
Duke nisur nga sot do të jetë më e lehtë për marrje licence apo leje për aktivitetin. “Në shtator 2011 në bashkëpunim me IFC nisëm punën për reformën e thellë të licencimit, reduktimin e barrierave administrative, uljen e kostos në licencim dhe zvogëlimin e hapësirës për korrupsion. Ofrimi i shërbimit me një ndalesë bën të mundur që të gjitha shërbimet bashkiake ofrohen në një sportel të vetëm, në funksion gjatë gjithë javës”.
Gjithashtu ai ka shtuar: "Procesi i regjistrimit në këtë qendër do të reduktoj dukshën koston e shërbimeve që ofron bashkia. Procedurat për marrjen e lejeve dhe licensave do të zgjasin nga 7-10 ditë” si dhe gjatë kësaj vere do të jetë gati edhe plani urbansitik.
