Kuvendi i Kosovës ka miratuar me shumicën e votave propozimin për të njohur si gjuhë zyrtare edhe turqishten, duke e çuar në tre numrin e gjuhëve zyrtare në Kosovë, pas shqipes dhe serbo-kroatishtes. Parlamenti i Kosovës e kishte refuzuar dy herë më parë kërkesën. Refuzimi i fundit u bë më 14 shtator, gjë e cila bëri Ankaranë të shprehej “shumë e zhgënjuer nga votimi”.
Sipas agjencisë turke “Zaman”, në Kosovë jetojnë 15 mijë turq, të cilët kanë dëshirë që gjuha e tyre të përdoret në dokumentat zyrtarë. Pas anullimit të vendimit të Parlamentit javën e shkuar, ministri i Jashtëm turk, i këkroi parlamentit kosovar të shqyrtonte edhe njëherë vendimin dhe theksoi interesimin e Turqisë në këtë çështje. Turqishta u deklarua si gjuhë zyrtare në Kosovë në vitin 1974, por administrata e Kombeve të Bashkuara në Kosovë e hoqi në vitin 1999. Që nga ky vit, Kosova është nën drejtimin e forcave shumëkombëshe të NATO-s. Turqia ka pasur 350 forca paqeruajtesë në vend, nga 17,500 që numëroheshin në total në vitin 1999. Forcat ushtarake janë përgjegjëse për vendosjen dhe mbajtjen e sigurisë në vend.
