Kujdes i mirë çdo ditë nga pak, sjell këmbë të bukura dhe të shëndetshme gjithmonë.
Ndihma
më e shpejtë dhe themelore është ngritja e këmbëve duke qëndruar e
shtrirë, rreth 30 centimetra mbi nivelin e zemrës, këshillojnë
ekspertët.
Këshilla për të pasur këmbë të tonifikuara dhe të bukura njëkohësisht:
Ecni sa më tepër
Për të pasur këmbë sa më të shëndetshme është shumë e rëndësishme që të ecni. Një gjë të tillë keni mundësi që ta bëni të gjithë dhe nuk kërkon aspak sforcim. Por si çdo sport tjetër edhe ecja kërkon që çdo gjë të bëhet hap pas hapi. Ditët e para janë të mjaftueshme 20-30 minuta ecje në ditë.
Praktikoni ecje në distancë të shkurtër
Pas 2 javë praktikumi, ju mund të përballoni edhe ecje të gjata, afërsisht rreth 2-3 orë. Por është e rëndësishme të theksohet fakti që jo të gjithë trupat e përballojnë një ushtrim në të njëjtën mënyrë, prandaj gjatë ditëve të para këshillohet ecje në një distancë të shkurtër.
Kujdes nëse keni probleme shëndetësore
Duhet të kini parasysh që ngjitja në mal kërkon një impenjim shumë herë më të madh se ecja normale, sepse sforcimi i trupit gjatë ngjitjeve është më i madh. Dy elementë të tjerë shumë të rëndësishëm këtu do të ishin edhe: kujdes të veçantë duhet të bëjnë sidomos ata persona që kanë probleme shëndetësore në lidhje më zemrën dhe ata që vuajnë nga astma.
Efektet e ecjeve
Koha se kur do t’ju duhet të ecni më shumë nuk është e përcaktuar. Mjafton të respektoni oraret dhe stërvitjen e rregullt. Nëse mëngjesi sugjerohet për shkak të ajrit të freskët dhe zgjimit që do i bëhej gjithë trupit, pasditja do të ishte po aq efikase pasi na bën mirë për të qetësur edhe mendjen nga lodhja e ditës.
Këmbët tona mund të ndihen edhe më të rënduara por efektin e duhur e marrin. Ecjet e gjata në çdo orar të ditës forcojnë muskujt e këmbëve, duke i bërë të tonifikuara dhe kështu zëvendësojmë disa orë të domosdoshme aerobie apo fitnesi.
Vaji i bajameve
Përdorimi i përditshëm i vajit të bademit në këmbë pas larjes apo
dushit, do ta bëjë lëkurën më të butë dhe më elastike dhe do të
zvogëlojë ndjenjën e peshës në këmbë.
Masazhi
Vajrat më të mirë janë ato të livandës, rozmarinës, lajthive etj. Në
200 ml ujë, hidhni 4-5 pika vaj dhe me këtë lëng, u bëni këmbëve masazh
nga zogu i këmbëve e përpjetë.
• Flini me këmbë të ngritura
• Shmangni çorapët e ngushta
• Mos u ulni këmbëkryq
• Dushin përfundojeni me një shpëlarje të këmbëve me ujë të ftohtë
