Ekspertët kanë paralajmëruar se fëmijët po bëhen me probleme të pakthyeshme të shpinës, për shakak të çantave të tyre të rënda që mbajnë në shpinë.
Dhimbjet kanë filluar që në moshën 14 vjeç duke paraqitur anomali të shtyllës kurrizore të cilat po vijnë në rritje.
Nxënësit në mënyrë rutinore mbajnë çanta të mbushura me libra të rënda, laptopë, çant sportive dhe dreka të marra me vete, të cilat mund të peshojnë më shumë se normalja.
Ekspertët e shëndetësisë thonë se fëmijët rrezikojnë dëme afat-gjatë në qoftë se ata rregullisht mbajnë më shumë se 15 për qind të peshës së tyre trupore mbi supet e tyre.
Organizata bamirëse BackCare pretendon se të rinjtëmbajnë më shumë se 20-25 përqind të peshës së tyre trupore.
Ekspertët thonë nëse dhimbjet vijnë kaq herët ata nuk do ti arrijnë dot as vitet 70 apo 80, plus që deri në atë moshë do të shoqërohen me kosto të mëdha fizike dhe emocionale.
Skeleti i fëmijëve është në rritje në kët moshë dhe ata e mbingarkojnë trupin me pesha të rënda të cilat i drejtojnë kockat në deformime të ndryshme.
Për këtë prindërit duhet të jenë më të kujdesshëm lidhur me peshën e çantës, duke u siguruar që fëmijët të kenë në çantë vetëm gjërat e shkollës së asaj dite që shkojnë.
