Përfaqësuesit e besimeve fetare në vendin tonë kanë kërkuar në Komisionin e Arsimit dhe Medias, që të ndryshohen disa nene në projektiligjin e Arsimit të Lartë.
Ata kanë kërkuar që të krijohet një libër ku të shpjegohen qartë simbolet fetare dhe të përdoret në shkollat.
"Asnjë nxënësi nuk i lejohet të propagandojë dhe të shpjegojë me të tjerët, por kemi theksuar që në bazë të ligjeve tona në fuqi dhe konventave ndërkombëtare, qofshin ato të Bashkimit Evriopian, qofshin ato të Kombeve të Bashkuara, që asnjë nxënës në botë, as gjinia, as raca, as feja nuk e pengon që të shkollohet edhe në shkollat publike. Një lëndë që mund të futet në të ardhmen është ajo që në mënyrë përmbledhëse të japë një kulturë fetare", tha Bujar Spahiu, nënkryetar i Komunitetit Mysliman.
