Një batalion operativ shtesë i trupave të NATO-s që do të vijë në Kosovë do të jetë gati në fillim të muajit maj, tha gjenerali i përgjithshëm danez Knud Bartels të premten në Bruksel.
Pas një takimi dy-ditor të shefave të shtabeve në Bruksel, Bartels tha se ata diskutuan situatën në veri të Kosovës para zgjedhjeve serbeqë do të mbahen në 6 maj.
Ne me vendosmëri planifikojmë për të garantuar sigurinë optimale në Kosovë dhe për të shmangur përhapjen e tensioneve, u tha Bartles gazetarëve.
I pyetur nga gazetari i agjencisë Tanjug për të shpjeguar vendosjen e forcave shtesë në veri, Bartels tha se mbajtja e zgjedhjeve serbe në Kosovë mund të çojë në rritjen e tensioneve.
Për qëllime të sigurisë së përgjithshme, u vendos që të dërgojmë një batalion prej rreth 750 ushtarë, të përbërë nga ushtarë nga Gjermania dhe Austria, e cila do të jetë operative gati në fillim të majit, tha ai.
Bartels tha se qëllimi i përforcimit është për të siguruar burime të mjaftueshme në dispozicion në rast të shpërthimit të incidenteve, por shprehu shpresë se angazhimi i tyre nuk do të jetë i nevojshëm.
NATO-s dhe vendet partnere në Kosovë kanë rreth 6.500 ushtarë të rregullt dhe një batalion prej 750 ushtarëve në veri. Dislokimi i batalionit të ri praktikisht do të dyfishojë praninë e ushtarakëve të NATO-s .
