Kryetarja e Kuvendit, Jozefina Topalli ka zhvilluar sot homazhe në mjediset e Shtëpisë Qendrore të Ushtrisë në nderim të ish-anëtares së Gjykatës së Lartë, Irma Bala (Hebovija), e cila u nda nga jeta në mënyrë të parakohshme për shkak të një sëmundjeje të rëndë.
Kryetarja e Kuvendit shprehu ngushëllimet e thella ndaj familjarëve, të afërmëve, miqve për humbjen e njeriut të dashur dhe kolegëve e trupës së drejtësisë shqiptare për humbjen e juristes dhe gjyqtares së përkushtuar.
