Është me të vërtetë e tmerrshme, të arrijë vëllai të vrasë motrën me një qetësi të pazakontë.
Colton Harvey 15 vjeç u deklarua fajtor për vrasjen e motrës së tij Candace Harvey me armë në 15 Janar të këtij viti. Pas mbërritjes në gjkatë ai e pranoi akuzën duke thënë: po e vrava me armë.
Ai u dënua me 45 vjet burg nga gjykata e Kansas 30 vjet për vrasje dhe 15 vjet se ka përdorur armë. Djali adoleshent nuk ka dhënë asnjë motiv se pse ai vrarë motrën e tij. Kur gjyqtari e njohu me dënimin ai filloi të qante dhe mbuloi fytyrën me duart e tij.
Motra e tij Candace ishte një lojtare e mprehtë basketboll dhe ishte në ekipin e Lady Hillbillies.
Vrasjen e kreu kur prindërit e tij nuk ishin në shtëpi por kishin shkuar të blinin ushqime rreth 40 milje larg.
Hetuesit gjetën trupin e vajzës në dhomën e saj në shtëpinë e familjes në Ozark, një qytet prej rreth 3.600 njerëz, 120 milje në veriperëndim të Little Rock.
Pyetja se pse Harvey qëlloi motrën e tij mbeti pa përgjigje. Prokurori David Gibbons tha: "Ai kurrë nuk ka dhënë atë që unë do ta konsideroj të jetë një motiv i qartë."
Avokati i Harvey, Bill James, tha se ka pasur një histori të sëmundjes mendore në familje. Sidoqoftë, një ekspert nuk ishte në gjendje për të dhënë një diagnozë për shkak të moshës tepër të re te Colton.
