Nga aksidenti që ndodhi në orët e pasdites në Qafën e Kërrabës nuk ka viktima dhe ky eshte lajmi më i rëndësishëm, tha ministri i Shëndetësisë Petrit Vasili ne prononcimet mediatike. Ministri Vasili theksoi se nga aksidenti janë plagosur 9 persona, 8 prej të cilëve me plagë të lehta dhe një më rëndë, për shkak të disa frakturave. Të plagosurit po marrin mjekimin në spitalin e Elbasanit me disa mjekë reanimatorë dhe kirurgë.
Shkalla e plagosjes, sipas tij, është e lehtë dhe të plagosurit nuk kanë asnjë rrezik për jetën.
“Kemi këshilluar mbajtjen nën mbikqyrje edhe per disa ore të tjera”, tha Z.Vasili, ndërsa shtoi se “Rasti tjetër po trajtohet nën një kujdes më të specializuar ndaj edhe helikopterët janë atje në gadishmëri, në mënyrë që të veprojmë sipas kërkesave. Operacioni u ezaurua në rreth 30 minuta dhe parametrat janë pozitive”, përfundoi ai.
