Anton Preni, ish efektiv i forcave të policisë në Fushë-Krujë ka tre ditë që është zhdukur.
Denoncimi është bërë nga familjarët e 49 vjeçarit.
Familjarët tregojnë se ai u nis si çdo ditë për në punë në mëngjes, për në fabrikën e tullave. Por më pas ai nuk është përgjigjur më në telefon dhe nuk ka asnjë kontakt me të. Ata shprehen se ishte njeri i qetë dhe nuk shkakton konflikte edhe pse nuk fshehin faktin që në vitin 2002 vëllai i Antonit kishte kryer vrasje për të cilën po kryen dënimin në burg.
Policia ka nisur hetimet por akoma nuk ka asnjë përgjigje deri tani.
