Indeksi i Çmimeve të Konsumit në muajin Korrik 2012, arriti 112.0 përqind
kundrejt muajit Dhjetor 2007 (Dhjetor 07=100), duke shënuar një ulje prej 0.2 përqind krahasuar me muajin e mëparshëm.
Ndryshimi vjetor në muajin Korrik është 2.7 përqind. Një vit më parë ky ndryshim ishte 3.6 përqind.
Krahasuar me muajin e mëparshëm:
Indeksi i grupit "Ushqime dhe pije jo alkoolike" shënoi një ulje prej 0.4 përqind.
Brenda këtij grupi mund te permendim uljen e çmimeve të produkteve në nëngrupet
"Zarzavate” me 2.1 përqind, “peshk” me 0.9 përqind, "qumësht, djath e vezë” me 0.1 përqind etj.
Indeksi i grupit "Veshje dhe këpucë" ka shënuar një ulje prej 0.8 përqind.
Indeksi i grupit "Qera, ujë lëndë djegëse dhe energji" shënoi një ulje prej 0.1 përqind. Ketu mund te veçojmë uljen e çmimit të lëndëve djegëse prej 0.2 përqind.
Indeksi i grupit "Transport" ka shënuar një rritje prej 0.6 përqind. Gjatë muajit Korrik çmimi i naftës shënoi një rritje prej 2.0 përqind dhe çmimi i benzinës një rritje prej 0.7 përqind.
Indeksi i grupit "Argëtim dhe kulturë" ka shënuar një ulje prej 0.4 përqind, ku mund të veçojmë uljen e çmimeve per shërbimet e argëtimit me 1.9 përqind.
Në grupet e tjera ndryshimet varijojnë nga -0.1 në + 0.1 përqind.
