Lufthansa, kompania më e madhe ajrore në Gjermani sot anulloi dhjetra fluturime në të tre aeroportet e vendit duke shkaktuar radhë të gjata dhe një acarim te pasagjerët.
Shkak u bë greva që mbahet si protestë ndaj pagave dhe kushteve të punës të punonjësve të fluturimit. Sindikata UFO kërkon një rritje prej 5 për qind të pagës për mbi 18 mijë punonjësit e fluturimit.
Kompania Luftansa tha se ofron një rritje prej 3,5 për qind të pagave dhe se kërkon gjithashtu një shtim të vogël të orarit të punës. Sindikata e kundërshton atë që ajo e cilëson një rritje graduale dhe paga më të ulëta për punonjësit e rinj.
