"Kur kundërshtarët tanë thonë se ky komb është në rënie ata janë totalisht të gabuar,'' tha ai. '' Kjo është Amerika. Ne ende kemi punëtorë të mirë në botë dhe sipërmarrësit më të mirë në botë. Ne kemi marrë shkencëtarët më të mirë dhe studiues të mirë. Ne kemi kolegjet më të mira dhe universitetet më të mira. Ne jemi një komb i ri me diversitetin më të madh të talenteve dhe zgjuarsi nga çdo cep të globit".
Këto kanë qënë fjalët e Presidentit aktual Barack Obama dhe njëkohësisht kandidatit demokrat për një mandat të dytë si president i SHBA-së, në një fjalim në kolegjin St. Petersburg në Florida, një ndër shtetet më të ndjeshme për zgjedhjet presidenciale të 6 nëntorit.
Ndërsa në fjalimin e zakonshëm të së shtunës, presidenti ka kujtuar atentatet e 11 shtatorit 2001, duke hapur një javë përkujtimesh në mbarë Shtetet e Bashkuara.
Ai u zotua për të bërë arsimin më të përballueshëm, të reduktojë varësinë nga nafta e huaj dhe të pakësojë deficitet'' pa prekur atë në klasën e mesme'' nëse ai merr një mandat tjetër.
Romney, i cili kaloi pjesën më të madhe të javës për pregatitjen e debateve gjatë konventës Demokratike, ishte kthyer në lëvizje me një tubim të planifikuar në Virginia Beach dhe vizitoi një tubim NASCAR në Richmond, Va,
Virginia dhe Florida janë dy nga vendet që mund të përcaktojnë rezultatin e zgjedhjeve.
Gjithësesi, sfida kryesore e Obamës dhe rivalit Mitt Romney mbetet punësimi, i cili nuk po arrin pritshmëritë e shefit të Shtëpisë së Bardhë.
